இல்லை,
புணர்ந்து கொல்.
--------------------------
பிறக்காத தலைமுறைக்கும்
சேர்த்தே
புதைகுழி வெட்டியவனை
கொண்டாடியது ஒரு தேசம்
முதல் குடிமகனாய்...
------------------------------
பால் விலையை விட
தண்ணீர் விலை கூட,
ஆட்சிப் பீடத்தில்
பொருளாதாரப் புலி.
------------------------------
மகனாய் மட்டுமே
வளர்க்கிறார்கள் குழந்தைகளை
எல்லா தகப்பன்களும்.
------------------------------
தேர்தலில்
வெற்றி பெற்றவனின்
கொண்டாட்டத்தை விடவும்,
வெற்றுப் பயலின்
வரம்புமீறல் தான்
முகம் சுழிக்க வைக்கிறது.
------------------------------
நாலு ரவுண்டுக்கு
செலவழிக்க முடியாதெனில்,
அப்புறம் என்னடா
நல்ல தலைவன்?
------------------------------
நரிகளுக்குத் தேவை
கொஞ்சம் இரத்தமும்
சில எலும்புத் துண்டுகளும்.
வாக்காளனுக்கு
காந்தி நோட்டும்
கவர்ன்மென்ட் சரக்கும்
கோழிப் பிரியாணியும்.
------------------------------
அரைச் சாண் வயிற்றுக்காக
அந்தர் பல்டி அடிக்கும்
குரங்குகளின் நிலையை விடவும்,
அரைப் புட்டி மதுவுக்காக
அலைந்து திரியும்
மனிதக் குரங்குகளின் நிலை
பேரவலம் தான்.
------------------------------
இவ்வளவு பெரிய மனுசனை
இத்தனூண்டு கிளி தான்
சம்பாதித்துக்
காப்பாற்ற வேண்டியிருக்கிறது.
------------------------------
அணு அணுவென
அலைந்தவன்
அணு அணுவாய்
அழிவான்.
-----------------------------
- அகரத்தான்.
4 comments:
//புரிந்து கொள்!
இல்லை,
புணர்ந்து கொல்.//கலக்கிட்டிங்க போங்க
super nanba....
sssssssss.....
கவிதைகள் கலக்கல் தல
Post a Comment